આમ તો માણસનું કદ માણસ જેટલું જ હોય છે,
પણ પડછાયો મોટો લાગે
તો સમજવું કે સાંજ પડી ગઇ છે !
***************************************************
ભગવાનની
પ્રતિમા વિશાળ
બનાવવાનું કારણ ?
તમારા કદની તમને ખબર પડે !
***************************************************
વરસાદ
વરસાદની સતત
વાતો કરો છો .... ને
રેઇનકોટ લઇને ફરો છો.
ખરાં છો, તમે તો.
***************************************************
માનવ સ્વભાવની
એ લાક્ષણિકતા રહી છે કે
કશું પણ ખોટું જોવા મળે તો ટોળે વળી જાય છે,
સૂર્યનો પણ જો અસ્ત થતો હોય તો તે જોવા પણ !
*****************************************************
જે
રાહ જુએ છે એ
મા હોય છે.
જો કે પત્ની પણ રાહ જુએ છે.
પણ પત્ની ’ રાહ ’ જુએ છે,
જ્યારે મા રાહ જુએ છે !
******************************************************
એકલાં એકલાં
પણ ચાલવા માંડશો તો
સથવારો મળી રહેશે.
રાહ જોશો તો રાહમાં જ રહેશો
No comments:
Post a Comment